राष्ट्रिय महिला क्रिकेट टिमकी कप्तान इन्दु बर्माले धेरै वर्षपछि यूएईलाई जित्दा खुसी लागेको बताएकी छिन्।
बिहीबार त्रिभुवन विमानस्थलमा पत्रकारसँग कुरा गर्दै बर्माले धेरै वर्षपछि यूएईलाई जित्दा खुसी लागेको बताएकी बताएकी हुन्।
उनले भनिन्, ‘धेरै वर्षपछि हामीले यूएईलाई बिट गर्न सक्यौँ । बेस्ट मोमेन्ट त्यही हो जस्तो लाग्छ।’
उनले आफूहरूले अझै धेरै कुरा सुधार गर्नुपर्ने पनि बताएकी छिन्। बलिङ, ब्याटिङ, फिल्डिङमा सबै पक्षमा सुधार गर्नुपर्ने उनको भनाइ छ।
‘हामीले सुधार गर्नुपर्ने चिज धेरै छ। बलिङ, ब्याटिङ, फिल्डिङमा सबै पक्षमा सुधार गर्नुपर्ने छ। हामीले अझै मिहिनेत गरेर सुधार गर्दै गयौँ भने ठूला टिमलाई बिट गर्न सक्छौँ,’ उनले भनिन्।
फ्लड लाइटमा खेल्दा त्यस्तो फरक नपरेको उनको भनाइ छ। उनले यसलाई आफूले एक्स्क्युज नबनाउने बताइन्। उनले भनिन्, ‘फ्लड लाइटमा खेल्दा त्यस्तो फरक परेन। यसलाई एक्स्क्युज बनाउन चाहन्न। टी-२० गेमको बेलामा प्रेस हुन्छ। फ्लड लाइटले ठूलो फरक पर्दैन।’
प्रकाशित : २०८१ श्रावण १०, बिहीबार १५:५५ गते
